Ինչ լավ է, որ Սունդուկյանի անվան ազգային թատրոնի տնօրեն Վարդան Մկրտչյանը առաջադեմ հայացքների տեր մարդ է, որի խորին համոզմամբ «թատրոնը չի կարող լինել ներփակ, գետտոյացված»։Ինչ լավ է, որ ազգությամբ հայ, Լատվիայում բնակվող անուն ձեռք բերած ռեժիսոր Հայկ Կարապետյանը չի վախենում «համաշխարհային պրոցեսներին զուգահեռ քայլել և նոր մտածողություն բերել թատրոն»։ Ինչ լավ է, որ Բալթյան երկրների ( հիմա Հունաստանի) դեսպան Տիգրան Մկրտչյանը կարողացավ նպաստել այս բացառիկ տանդեմի ստեղծմանը, որի հետևանքով ստեղծվեց «Կարլ Մարքս։ Խոստովանություններ» ներկայացումը։ Ներկայացման մասին՝ Վարդան Մկրտչյան էքսկլյուզիվ հարցազրույցում։
Ուրախալի է, որ մայիսի 17֊ին, երբ նշվում էր համաեվրոպական թանգարանների ու եկեղեցիների բաց դռների օր, այն նշվեց նաև Ռիգայի Սուրբ Գրիգոր Լուսավորիչ հայկական եկեղեցում : Իսկ Վատիկանում, Հռոմի պապ Լևոն 14-րդի գահակալության արարողությանը, որին ներկա էին ավելի քան 150 պատվիրակություններ աշխարհի տարբեր երկրներից և միջազգային կառույցներից, մասնակցել նաև ՀՀ Նախագահ Վահագն Խաչատուրյանը : Հայաստանի ազգային ֆիլհարմոնիկ նվագախումբը նշեց իր հիմնադրման 100-ամյակը։ Կյանքից հեռացավ լեգենդար բալետմայստեր Յուրի Գրիգորովիչը, ով բեմադրել է Արամ Խաչատրյանի «Սպարտակ» բալետը: Կխոսենք Խաչատրյան-Գրիգորովիչ այս հայտնի տանդեմի մասին։
karap.lv 