Հայաստանի Հանրապետության Սփյուռքի գործերի գլխավոր հանձնակատարի գրասենյակը հայտարարում է հայտադիմումների ընդունում «Հայ ազգային երիտասարդական ֆորում 2025»-ի համար։ Այս տարվա ֆորումը կհյուրընկալի շուրջ 800 հայ երիտասարդների Սփյուռքից և Հայաստանից՝ քննարկելու հարցեր ինչպիսիք են Հայաստան-Սփյուռք գործակցության զարգացման գործում երիտասարդության դերը, Հայրենիքում սփյուռքի երիտասարդների ներուժի իրացումը, ուսանողների և երիտասարդ մասնագետների միջև ցանցային կապերի ամրապնդումը, ինչպես նաև բազմակողմ համագործակցության նոր ձևաչափերի մշակումը։
Ֆորումի մանրամասները՝
- Վայրը՝ Երևան, Հայաստան.
- Ամսաթվերը՝ 2025 թ. օգոստոսի 5–7-ը.
- Տարիքային սահմանը՝ 18–35 տարեկան.
- Ծրագիրը ներառում է՝ սեմինարներ, աշխատարաններ, պանելային քննարկումներ, կլոր սեղաններ, մշակութային միջոցառումներ, ցուցահանդեսներ և 5 կմ մարաթոն:
Հայտադիմում ներկայացնելու համար խնդրում են անցնել հետևյալ հղումներով՝
- Հայերեն՝ youthforumarm.aidaform.com/82025
- Անգլերեն՝ youthforumeng.aidaform.com/82025
- Ռուսերեն՝ youthforumrus.aidaform.com/82025
Եթե ձեր կազմակերպությունում կամ համայնքում կան անհատներ, ում ցանկանում եք առաջադրել մասնակցության համար, խնդրում ենք մեզ ուղարկել նրանց անուններն ու էլ. հասցեները, և մենք կուղարկենք հայտադիմումի հղումը ուղղակիորեն։
Լրացուցիչ տեղեկությունների համար այցելեք՝ diaspora.gov.am։
Ֆորումի մասնակիցները հոգում են Հայաստան գալու ճանապարհածախսը և կեցությունը: Հանձնակատարի գրասենյակը ապահովում է սնունդ Ֆորումի 3 օրերի ընթացքում:
Հարգանքով՝
Կարեն Ավանեսյան
ՀՀ սփյուռքի գործերի գլխավոր հանձնակատարի գրասենյակի
Սփյուռքի ներուժի քարտեզագրման և ներգրավման վարչության պետ
karap.lv 